كان يا ما كان ياساده يا كرام ما يحلي الحديث الا
بذكر النبي عليه افضل الصلاه والسلام كان فى بنوته
صغيره اسمها نور وكانت عايشه مع مامتها وباباها
واختها الصغنونة نادين.
وكانت نور دايما تسأل ماماتها وباباها عن كل
حاجة تقابلها ، وكانت أسئلتها كتيره جدا ، وكانت
مامتها بترد عليها وهي بتبتسم وبتضحك .
وفى يوم من الأيام الجو كان برد جدا و المطره بتمطر
كتير ،فراحت مامت نور و نادين اوضتهم عشان
تلبسهم هدوم كتير جدا ، لأن الجو كان برد
وساقع فلبست نور و نادين كل واحد فيهم جاكت
وطاقيه وكوفيه وشراب وهدوم تقيله علشان تحميهم
من البرد الشديد .
نور اعترضت على مامتها واعدت تقولها ، ليه يا ماما
كل الهدوم دي نلبسها.
ردت مامتها : علشان الدنيا برد يا نور يا حبيبتى
وبتشتي ، ولو خففنا هدومنا هنبرد ويجلنا انفلونزا
وبرد ونتعب.
استغربت نور من كلام مامتها و قالت بتعجب :
يعنى ايه يا ماما انفلونزا مش عارفه دي حاجة
وحشة ولا حلوة .
ردت مامتها وقالتلها يا نور يا حبيبتى الانفلونزا دا
مرض اسمه كدة ، ودا مرض وحش وبرد
بيجلنا لما بنتعرض لهوا جامد ، او برد شديد
ونكون
مخففين هدومنا ، بنتعب ونمرض وبنكح
وبيجلنا سخونيه ورشح زى نادين اختك
لما كانت تعبانه وعندها برد وانفلونزا من
شهر يا نور فاكرة يا حبيبتي
نور بصت لماماتها كتير واعدت تفكر فى كلام
مامتها وقالت بصوتها الصغير وسألتها : وليه يا ماما
جسمنا بيسخن وبنتعب ليه منتعبش ونكون
كويسين.
ماماتها ضحكت أووى وقالتلها ازاى يا نور يا
حبيبتى فى حجات صغيرة موجودة في جسمنا ،
بتدافع عنا ضد الامراض ، الحجات دى زى
العساكر بس عساكر صغيرة يا نور اول المرض
ميدخل الجسم الحجات الصغيرة دي بسرعة تطلع و
بتعد تضرب المرض وتتعارك معاها ، علشان تحمينا
وتحمي اجسامنا علشان كدة احنا بنسخن وبنتعب
، ولو الحجات الصغيرة اللي ربنا خلقها مقدرتش
تقضى على المرض يبقى لازم ناخد الادويه المناسبه
علشان نقضي على المرض ونتخلص منه .
نور ضحكت اووى و عجبتها الحجات الصغيرة اللي جوه
الجسم وبتدافع عنها من الامراض ، وسألت ماماتها
هي الحجات دي اسمها ايه.
ردت ماماتها وقالتلها : اسمها المناعه يا نور و في
حاجة جواها صغيرة اسمها antibody انتيبودي ،
وفتحت ماما نور الكمبيوتر وورتها الصور ، وكانت
نور فرحانه جدا وسعيدة وهي بتتفرج ، وحبيت
تشوف مناعتها والعساكر الصغيرة .
ففكرت نور ازاي انها تقدر تشوف مناعتها ، فقالت
انا لو خففت هدومى في الشتا والبرد هتعب
وهشوف المناعة والعساكر الصغيرة.
فراحت يا اصحابي الصغيرين نورخففت هدومها
وراحت تلعب والدنيا بتمطر في الجنينة تحت المطر
وهي بتضحك كتير وفرحانه ، نور تعبت جدا يا
اصحابي الصغننين لما خففت هدومها عشان
مسمعتش نصايح مامتها
وماماتها زعلت جدا منها وقالتلها ليه عملتي كدا
يانور خففتي هدومك ووقفتي تحت المطر ،
وعرضت نفسك للمرض وانا نصحتك كتير وانتى
مسمعتيش كلامي و عقابي ليكى انا مش هكلمك
خالص ولا هحكي ليكى حواديت ذى كل يوم ولا
هكتب معاكي الهوم ورك و هقول لبابا لاما يجي يا
نور .
اتكسفت نور جدا من نفسها يا اصحابى ومكنتش
بتكلم ولا كلمه عشان هى غلطت.
وتعبت جدا نور وراحت للدكتور مع مامتها
والدكتور يا اصحابى كتبلها حقن كتير
مضادحيوى علشان تخف بسرعة.
وبعد ما روحت نور اتأسفت لمامتها وبابها، وقالتلهم
انا اسفه يا ماما واسفه يا بابا انا عرفت ان الواحد
المفروض يبعد عن الهوا الشديد والمطر في
الشتا
وميعرضش نفسه للمرض ، ويلبس لبس تقيل و
يحمى نفسه من البرد والمرض ، وعرفت كمان ان
الواحد ممكن يزود مناعته لما ياخد معلقة عسل نحل
كل يوم ويدفي نفسه في البرد لان خطر عليه وكتر
البرد بيضعف مناعته .
وتوته توته خلصت الحدوته يا اطفالنا يا حلويين
يارب تكون عجبتكم متنسوش تشتركم فى قناتنا
كتاكيت عالم الاطفال و تدوسوا على اللايك ام
صباع لفوق.
تنبيه هام
جميع الحقوق محفوظة لقناة كتاكيت عالم الاطفال ولانسمح بأستخدام القصص غير القرأة فقط
